Быел Актаныш авылларын нинди үзгәрешләр көтә?

- Авылларны да игътибардан читтә калдырмыйбыз. Райпо системасы яңа модульле кибетләр төзүне башлап җибәрә. Яңа Кормаш һәм Теләкәй авылларын шундый яңалык беренчеләрдән булып сөендерәчәк. Кировта фельдшер-акушерлык пункты төзелә. Нөркә бистәсендә "Тылсым" балалар бакчасы янында спорт мәйданчыгы барлыкка киләчәк. Теләкәй һәм Татар Суыксуы клублары капиталь ремонтлана башлады. Аккүз мәктәбенең шифер түбәсен алыштыру, Такталачык мәктәбенең тәрәзәләрен яңарту, Иске Айман балалар бакчасының һәм Югары Уръяды клубының түбәләрен ябу кебек эшләр өчен җирле бюджеттан акча бүлеп бирү карала. Халыкның тормыш-яшәешен яхшыртуны, авыл хуҗалыгы белән бергә бәйләп, көткән уңышларга ирешеп, 2017 елга планлаштырган эшләрне бергәләп башкарып чыгарга уйлыйбыз.