600 гә җитәчәк

Октябрь аенда район хуҗалыкларында янә 49 эре мал җан тәслим кылган.

Бу санны, бәлки, әйтеп, күрсәтеп тору да кирәкмидер. Чөнки ай саен терлекчелек тармагы эшчәнлегенә багышланган киңәшмәләрдә яктыртылган әлеге күрсәткеч- гадәти күренеш. Маллар үлеме буенча эш еллар дәвамында тотрыклы рәвештә бер югарылыкта бара. Шуның нәтиҗәсендә, соңгы 10 айда үлгән малларның саны 500гә якынлашты. Аларның 214е 1 айга кадәрге бозаулар икәне дә җирлек өчен әллә ни яңалык түгел. Алга китеп шуны әйтергә була, ел ахырына калган 2 айны исәпкә алсаң, аларның саны 600гә җитәчәк, һәм моңа инану өчен күрәзәче булу кирәкми.
Актаныш таңнары Чәршәмбе, 16 ноябрь, 2011 90 (9632)