Бүген районыбызның кыр кораблары урып-җыю алдыннан имтихан тота (+фотолар)

           Парадка тезелгән комбайннарның төзеклеге җитәкче-белгечләр тарафыннан җентекләп тикшерелә: басу-кырларыбызда үскән игеннәрнең бөртеген дә югалтмыйча җыеп алу төп максат. Шулай ук кыр корабларын иярләүче механизаторлар һәм аларның ярдәмчеләренең иминлеген тәэмин итү мөһим бурыч.

         "Чишмә", "Тамыр" хуҗалыклары һәм ""Чишмә" агрофирмасының комбайннарын карау вакытында бу хакта район җитәкчесе Ленар Зарипов та ассызыклады. Комбайнчыларны сәламләп, куркынычсызлык кагыйдәләрен һәрчак истә тотуларын теләде:

- Эш барышында үзегезне озатып калган һәм исән-сау кайтуыгызны көтеп торучы гаиләгезне истә тотыгыз. Хәвеф-хәтәрсез генә урып-җыюларны башкарып чыгарга язсын,- диде Ленар Рафак улы.