ИГЕНЧЕ КӨНДӘЛЕГЕ: Районыбыз җитәкчесе Ленар Зарипов кыр батырлары эшчәнлеге белән танышты

                   "Актаныш" агрофирмасы комбайнчылары аеруча өлгерлек күрсәтә. Бу авыл хуҗалыгы берләшмәсендә барлык мәйданның 30 процентыннан бөртекле һәм кузаклы культураларны җыеп алынды. Тулай җыем 33023 центнер. Гектар куәте 39 центнерны тәшкил итә.

                  "Чишмә"дә 18, "Таң"да 15, "Тамыр" хуҗалыгында һәм "Чишмә" агрофирмасында 13 процент күләмендә урып-җыю эшләре башкарылган. Бер гектарга туры килгән уңыш күләме буенча "Ташкын" хуҗалыгы лидер- бер гектарга 44 центнер икмәк туры килә. "Алга" хуҗалыгында 43, "Нур"да 40, ә "Чиялек" тә 12 центнер гына чыга. Район буенча 5 август көненә уртача күрсәткеч 35 центнер. Әлеге мәгълүматлар Актаныш районы авыл хуҗалыгы һәм азык-төлек идарәсеннән алынды.

                      Район җитәкчесе Ленар Зарипов кырларыбызда хезмәт куючы механизаторларның һәрберсе белән аралашып, күрешеп чыкты. Аларга авыр, мактаулы хезмәтләрендә уңышлар теләде. 

Фотолар комбайннар парады чарасыннан һәм Актаныш районы мәгълүмат үзәгеннән алынды.