Күҗәкә авыл җирлегенең хисап җыелышы

22 февраль көнне Адай авылы клубында Күҗәкә авыл җирлегенең хисап җыелышы булып узды. Анда район башкарма комитеты җитәкчесе Фаил Камаев җитәкчелегендә делегация катнашты. Күҗәкә авыл җирлеге башлыгы Рамил Хәйбиевнең Күҗәкә авыл җирлегенең 2011 елдагы эшчәнлегенә хисабы тыңланды. Җирлекнең ветераннар советы җитәкчесе Рафак Зарипов, гомумгамәли табибәләр Рифа Ибраһимова, Наилә Әминова, участок инспекторы Рөстәм Әмирхановның, республиканың баш казый ярдәмчесе, районның Җәмигъ мәчете имамы Руслан хәзрәт Мортазинның чыгышлары тыңланды. Соңыннан укучылар көче белән оештырылган концерт күрсәтелде.