Сарман районында ике шәхси хуҗалыкта сыерларда төерле дерматит (нодулярный дерматит) табылган

       «Андый проблемабыз бар. Вакцинация юлы белән хәл итәрбез дип уйлыйбыз. Ул чир табылган хуҗалыклар тирәсендәге терлеккә вакцинация үткәрелде», — диде ул журналистларга матбугат конференциясендә.

Аның сүзләренчә, бу авыру республикада моннан ике ел элек булган.

«Терлек сатучыларга мөрәҗәгать итәсем килә: терлекне вазгыять имин булган төбәкләрдән, безнең рөхсәт белән генә алып кайтырга, документтан башка терлекне сатып алмаска. Белешмәләр булу кирәк, шул очракта гына чиста терлек сатып ала алабыз», — дип белдерде Алмаз Хисаметдинов.

Төерле дерматит билгеләре: терлекнең температурасы күтәрелә, тиресендә төерләр барлыккка килә, хәле начарлана, аз ашый, чир азса, тиренең эчке катлауларына күчә. Дәвалау тиешле нәтиҗә бирмәсә, малларны юкка чыгаралар.

Чыганак: Татар-информ