Терлек азыгы әзерләү барышы

Район авыл хуҗалыгы һәм азык-төлек идарәсеннән алынган мәгълүматларга караганда, 7 июльгә район буенча барлыгы 6,7 мең тонна печән, 63 мең тонна сенаж әзерләнгән.

Шул рәвешле бер баш терлеккә 8,9 центнер азык берәмлеге туры килә. Иң күп, 500 дән артык тонна печән әзерләгән хуҗалыклар исемлегендә "Әнәк" агрофирмасы, "Тамыр", "Чишмә" хуҗалыклары. Сенаж салу буенча куелган планны яхшы үтәүчеләр арасында да шул ук "Әнәк" агрофирмасы, "Тамыр", "Чишмә" хуҗалыклары булып тора. Терлек азыгы әзерләүдә районның төрле оешмалары, җирлек җитәкчелеге дә кулларыннан килгәнчә ярдәм итә. Бүгенге көндә дә яфраказык җыю дәвам итә. Бу мөһим эшкә эшче куллар бик кирәк.