Актаныш

Терлекчелеккә йөз белән- көндәлек игътибар үлемнән дә, авырудан да коткара

Россиянең әле теге, әле бу төбәкләрендә баш калкыткан авырулар мал сатып алганда игътибарлы булуны сорый. Мәсәлән, күрше Казахстанда ящур һәм бруцеллеоз авыруларын һаман да җиңә алмыйлар. Әлеге төбәкләрдән сыер, сарык малы сатып алу тыела. Лейкоз авыруыннан котылу да дәвамлы эшчәнлек таләп итә. Малларны хуҗалыктан озатканнан соң авыру терлек асралган биналарны-утарларны җентекләп чистарту, дезинфекцияләү таләп ителә. Шулай булмаганда, авыру сәламәт малларга йогачак.

           Озак һәм күп яуган яңгырлар терлек утарларын тәмам баткак-сазлыкка әйләндерде. Район авыл хуҗалыгы һәм азык төлек идарәсе башлыгы Нәфис Сәлимгәрәев "Кайбер хуҗалыкларда бозаулар күкрәгеннән суда басып тора, бу хәлгә юл куймавыгызны сорыйм",- дип мөрәҗәгать итте 24 форма-киңәшмәдә катнашкан терлекчелек буенча җитәкче-белгечләргә.  

           Нәфис Әзһәм улы "Актаныш" агрофирмасын башкаларга үрнәккә куйды. Хуҗалыкның Тыңламас һәм Чөгәнә фермаларындагы барлык бозаулар торган утарлар чистартылган, малларны чыгарып утарга каты өслек түшәлгән. Яңгыр яугач кабат сазлыкка әйләнмәсен өчен өслекне кат-кат таптату мөһим. Гомумән, терлекләрнең авыруына һәм үлеменә юл куймас өчен корыда тотарга кирәк. 

            Май аенда район хуҗалыкларында 2057 баш бозау алынган, әмма шуның 50 се туу белән җан тәслим кылган. Район ветеринария берләшмәсе җитәкчесе Фиргать Абдрахманов күпчелек үлемнең сәбәбен бозауларга карау, тәрбия җитмәү белән аңлатты.  Май аенда "Әнәк" агрофирмасында, "Чиялек" хуҗалыгында, ел башыннан караганда, "Чиялек", Эконом, "Нигез", "Таң", "Ташкын" хуҗалыкларында бозауларның күпләп үлүенә юл куелган. Алдагы ел белән чагыштырганда, "Актаныш" агрофирмасы киметкән, "Чишмә", "Саф" хуҗалыклары үлем санын киметкән. 
 

          Тагын бер игътибарга лаек мәсьәлә- терлекләрнең "Меркурий" программасына теркәлүе мәҗбүри. Терлекчелектән алынган продукция кибеткә килеп кергәнче "Росселхознадзор" тарафыннан тикшерелә. Хәтта шәхси хуҗалыктагы сыерлар да "Меркурий"да теркәлгән булырга тиеш, теркәлмәсә хуҗа сөтен сата алмый. "Меркурий" таләбе буенча биркалар беркетү әле кайбер хуҗалыкларда акрын оештырыла. 

         Фиргать Абдрахманов бүген хуҗалыкларга сенажга салынасы массаны лабораториядә тикшереп саклауга куюның бүгенге әһәмияте турында да аңлатты. 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: