“Игелек марафоны”нда 2 миллион 512 мең сум акча тупланды
Бүген Әлфия Авзалова исемендәге район мәдәният сараенда узган "Игелек марафоны"нда райондагы хезмәт тармаклары җитәкчеләре, авыл хуҗалыгы берләшмәләре рәисләре, авыл җирлеге башлыклары сәхнәгә күтәрелеп коллективтан җыелган хәйрия акчаларын марафон тартмасына салды.
Район хакимиятендә эшләүчеләр марафонга бер көнлек хезмәт хакларын да кертеп, барысы 124 мең сум акча күчерде. Аерым алганда, район хуҗалыклары 635 000 сум, җирлек башлыклары 78 000 сум, төзелеш оешмалары 500 000 сумга якын, район оешма һәм предприятиеләре 321 000 сум, эшмәкәрләр 300 000 сумнан артыграк һәм 71 000 сумлык адреслы ярдәм тапшырды.
Мәгариф, мәдәният, спорт һәм сәламәтлек саклау өлкәсендә эшләүчеләр марафонга керткән сумма 1 миллион сумнан артыграк.
Следите за самым важным и интересным в Telegram-каналеТатмедиа
Нет комментариев