Игелек үзәгендә узган бәйге нәтиҗәләре

Игелек марафонында социаль яклау бүлеге, Игелек үзәге хезмәткәрләре оештырган күргәзмә эшләде. Анда "Минем әнием" рәсем конкурсында катнашучыларның иҗат һәм районыбызда яшәүче оста куллы мөмкинлекләре чикләнгәннәрнең кул эшләре, Пучы картлар йортында тәрбияләнүчеләрнең оригами ысулы белән эшләнгән хезмәтләре урын алган иде. Күргәзмәне Актаныш авылыннан Розалия Ахунова, Лилия Янгирова, Рәмилә Гарифуллина, Уразай авылыннан Фәнүсә Баянова, Чөгәнә авылыннан Энҗе Якупова, Алсу Арсланованың матур итеп эшләнгән кул эшләре бизәде. Аларның кул эшләре районда, Казан шәһәрендә үткән күп кенә чараларда катнаша.