"Ел хатын-кызы; Хатын кыз карашыннан ел ир-аты"- 2021 бәйгесенә катнашу өчен гаризалар кабул ителә
Актаныш районында яшәүче хөрмәтле хатын-кызларны- бизнеста уңышка ирешкәннәрне, талантлы мәдәният хезмәткәрләрен, җитәкчеләрне, кыскасы, төрле өлкәләрдә эшләүче, үз гаиләләрендә, коллективларында һәм башка берләшмәләрендә тынычлыкны көйли белүче иң югары профессионалларны «Ел хатын-кызы. Ел ир-аты: хатын-кыз карашы»республика конкурсында катнашырга чакырабыз.
Татарстанда әлеге мәртәбәле бәйге ел саен Татарстан Республикасы Президенты Р. Н. Миңнеханов ярдәме белән үткәрелә.
Конкурсны оештыруның инициаторы һәм оештыручысы - «Татарстан хатын-кызлары» Төбәкара иҗтимагый оешмасы.
Конкурсны оештыручылар арасында ТР Хезмәт, мәшгульлек һәм социаль яклау министрлыгы да бар.
Конкурсның партнерлары-ТР Профсоюзлар федерациясе һәм ТРда Кеше хокуклары буенча вәкаләтле вәкил.
Конкурс 10 номинация буенча үткәрелә һәм 8 хатын – кыз номинациясеннән тыш, конкурста аерым номинацияләр: «Ел ир - аты: хатын – кыз карашы» - «ир-ат-лидер» һәм «Ир-ат-мәрхәмәтле йөрәк» махсус бүләкләр каралган.
Конкурс 3 этапта : муниципаль берәмлекләрдә 2021 елның 30 ноябренә кадәр, аннары зона турлары 2022 елның 14 февраленә кадәр уза.
Конкурсның йомгаклау этабы -финал Казанда Халыкара хатын-кызлар көне алдыннан оештырыла.
Бәйге турында тулырак әлеге сылтамага кереп таныша аласыз:
https://disk.yandex.ru/i/c1d-2QRey-gdhA
Следите за самым важным и интересным в Telegram-каналеТатмедиа
Нет комментариев