Актаныш

7 декабрьдән соң вакцинаның икенче компонентын алмаган кешеләр эштән читләштереләчәк

Роспотребнадзорның ТР буенча идарәсе җитәкчесе урынбасары Любовь Авдонина коронавируска каршы прививка ясатмаганнарга карата законлы чаралар күреләчәген белдерде.

 Роспотребнадзорның ТР буенча идарәсе җитәкчесе урынбасары Любовь Авдонина, Республиканың баш санитар табибы карары нигезендә, 9 ноябрьгә кадәр вакцинацияләнергә тиешле хезмәткәрләр беренче прививканы гына булса да алырга тиеш, югыйсә алар эштән читләштереләчәк, дип белдерде.

7 декабрьдән соң вакцинаның икенче компонентын алмаган кешеләр читләштереләчәк.

"Карар буенча Татарстанда эштән читләштерү 9 ноябрьдән соң башланырга тиеш иде. Вакцинация акрын бару сәбәпле,   без әлегә беренче прививка булу яки булмауны гына карыйбыз, чөнки икенчесенә кадәр вакыт бар әле. 10 нчы ноябрьдән башлап бөтен республика буенча тикшерүләрне башлаячакбыз»,- дип аңлатты Авдонина. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: