Бүген Актаныш муниципаль район Советының дүртенче чакырылыш 12 нче утырышы узды

       Утырыш эшенә кадәр Энгель Нәвап улы район мәгариф идарәсендә эшләүче, озак еллар районда җитәкче вазыйфалар башкарган Айрат Кәрамовны 65 яшьлек юбилее белән котлады.

  Утырышның беренче көн тәртибе буенча 2021 елның 2 июнендә кабул ителгән “Актаныш муниципаль районында демографик хәл турындагы 09-01 санлы карарының үтәлеше турында чыгыш ясалды.

          Шулай ук район Советы депутатлары Актаныш районында муниципаль контрольне оештыру һәм гамәлгә ашыру тәртибе турында, Актаныш районының 2021 елга һәм 2022-2024 елларга социаль-икътисади үсеш фаразы турында, Актаныш районының 2022 елга һәм 2023-2024 елларның планлы чорына бюджеты турында мәгълүматлар тыңлады.

Фотолар Актаныш муниципаль район сайтыннан алынды.