Бөек Җиңүгә 79 ел: Актанышта зур әзерлек чаралары бара

Көн саен Җиңү паркы каршында Актанышның беренче һәм икенче мәктәпләре, технология техникумы, сәләтле балалар өчен гуманитар гимназия-интернат , кадет мәктәбе, гадәттән тыш хәлләр министрлыгының район бүлеге, РФ Эчке эшләр министрлыгының Актаныш районы буенча бүлеге хезмәткәрләре 9 майда парадта строй белән йөрү күнекмәләрен өйрәнә. Райондашларыбызның хәрбиләрчә тантаналы атлап мәйданнан  үтүе Җиңү бәйрәменең иң тәэсирле мизгелләренең берсе ул.

6 май көнне район социаль яклау бүлеге "Сугыш чоры" кичәсе оештырачак.

7 майда балалар һәм яшьләргә "Яшьлек" яшьләр үзәге хәрби-патриотик темага кинофильмнар   күрсәтеп, әңгәмәләр үткәрәчәк.  Ә "Форпост" яшьләр үзәге 8 майда "Сугыш чоры балалары" интерактив чарасына чакыра.