Актаныш

Дөге, вермишель һәм чәйгә бәяләр төште

Россиядә кайбер яшелчәләргә бәяләр төшкән. Башка азык-төлек товарларыннан дөге, вермишель һәм чәй бәясе кимегән.

7 сентябрьдән 13 сентябрьгә кадәр атна эчендә Россиядә җиләк-җимеш продукциясенә бәяләр уртача 0,7 процентка кимегән. Аерым алганда, кишер һәм кәбестә арзанайган.

Башка азык-төлек товарларыннан дөге, вермишель һәм чәй бәясе кимегән. Бу хакта, Статистик ведомство мәгълүматларына нигезләнеп, РИА Новости хәбәр итә.

7 сентябрьдән 13 сентябрьгә кадәр Россия буенча уртача алганда, яшелчәгә бәяләр 0,7 процентка кимегән. Аерым алганда, кишер — 2,6 процентка, алма — 2,2 процентка, суган — 0,99 процентка, кәбестә 0,84 процентка арзанайды.

«Шул ук вакытта кыяр — 5,2 процентка, помидор — 3,9 процентка, бәрәңге — 0,6 процентка кыйммәтләнде», — дип хәбәр итә статистик ведомство.

Чыганак: https://tatar-inform.tatar/news/society/16-09-2021/rossiyad-kayber-yashelch-l-rg-b-yal-r-t-shk-n-5837782

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: