Иң изге теләкләребез сезгә: Бүген — ЮХИДИ хезмәткәрләре көне

Хөрмәтле юл хәрәкәте иминлеге дәүләт идарәсе хезмәткәрләре һәм әлеге тармак ветераннары!

Бәйрәмегез белән котлап, барлык дәүләт автоинспекциясе хезмәткәрләренә һәм ветераннарына зур уңышлар, нык сәламәтлек, шәхси иминлек телибез.

Сез тәүлек әйләнәсе авыр хезмәт башкарып, кыюлык, һөнәри осталык күрсәтеп, юлларда иминлек булдыруда тырыш хезмәт куясыз. Һәр көнне транспортның куркынычсыз йөрүен тәэмин итәсез, юлларда һәлакәтләр санын киметү өчен тырышасыз, бәлагә юлыкканнарга беренче булып ярдәмгә киләсез. Яңгырмы, кар-буранмы, эссе-салкын көнме — сез һәрвакыт эштә, юлларда тәртип саклыйсыз, халык арасында агарту эшләре алып барасыз. Юл һәлакәтләре килеп чыкмасын өчен көчегезне кызганмыйсыз.

Көннән-көн техника арткан, яше дә, карты да руль артына утырган заманда сезнең көндәлек хезмәтегез бәяләп бетергесез. Юллардагы җәяүлеләр һәм шоферларның иминлеген кайгыртуда ныклы сәламәтлек, зирәклек, аек акыл телибез. Гаиләләрегез дә сезнең хезмәтне аңлап ныклы терәк булсыннар,  якыннарыгыз сезне сөендереп, сәламәт булып, гел шатлыклы хәбәрләр генә ирештерсен.

Һөнәри бәйрәмегез мөбарәк булсын!