ӨР-ЯҢА БӘЙГЕ: "Сәер табыш бакчамда –бер гибрид үскән анда! "

Дуслар! Без Актаныш районында яшәүчеләр арасында махсус конкурс игълан итәбез - "Сәер табыш бакчамда -бер гибрид үскән анда! " Исеменнән үк аңлашылганча, без бакчада үскән сәер формадагы яшелчә, җиләк-җимешләрне барлыйбыз. Бездән - бүләк, сездән - үзегез тотып фотога төшкән бакча "эксклюзывы".

Ул төрле формадагы бәрәңге, кишер, помидор кебек культуралар да, зурлыгы белән шаккатырырлык кабак та булырга мөмкин.

Конкурсның шартлары:

1. Сез безнең ВКдагы "Актаныш-информ" төркеменә язылган булырга тиешсез

2. Сездән фотосурәт һәм 4 юллык шигырь көтеп калабыз

3. Бәйгедә катнашучылар саны 50гә җиткәч, без җиңүчене атыйбыз.

Без, үз чиратыбызда, сездән килгән фотоларны aktanysh-rt.ru сайтына һәм "Актаныш-информ" төркеменә урнаштырып барачакбыз. Фотоларыгызны шушы папкага  җибәрегез. 

Әйдәгез, мактанышып алыйк! Кем райондашларыбызны аптырата алыр икән?