Актаныш

Попова Россиядә битлек режимы кайчан гамәлдән чыгачагын фаразлады

Саклагыч битлекләрдән баш тарту мөмкинлеге быел ук барлыкка килергә мөмкин.

Кулланучы хокукларын яклау һәм кеше иминлеге өлкәсендә күзәтчелек федераль хезмәте башлыгы Анна Попова россиялеләрнең быел ук саклагыч битлекләрне киюдән баш тарта алачагына өметен белдерде.

«Өмет, һичшиксез, бар, һәм бу өмет, беренчедән, без бу вирус белән яшәргә өйрәнгәнебезне күрсәткәнгә нигезләнә. Һәм, икенчедән, без прививка ясатабыз», — диде Попова Беренче каналга биргән интервьюсында.

Аның сүзләренчә, авыруны контрольгә алу өчен, өлкән яшьтәге россиялеләрнең, инде чирләүчеләрдән тыш, гомуми санының кимендә 60 процентына прививка ясатырга кирәк. Бүгенге көндә гражданнарның 20-25 процентында Covid-19 вирусына карата антитәнчекләр эшләнгән.

tatar-inform

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: