Пучы балалар бакчасында мәдәният хезмәткәрләре "Исем кушу" йоласын күрсәттеләр

              Әле кичә генә мәдәният хезмәткәрләре Пучы балалар бакчасында әти-әниләр катнашында оештырылган ачык дәрестә чыгыш ясадылар,  "Исем кушу" йоласын күрсәттеләр.

           Бала туу гаиләдә генә түгел, авылда да зур вакыйга. Бар шартын туры китереп, әби-бабадан калган йолалар буенча исем куштыру куанычлы да, бер үк вакытта җаваплы да гамәл.

Бу хакта балаларга кечкенәдән үк таныштыру мөһим.

Шуңа күрә дә очрашуга авылның дин әһелләре дә чакырылган иде. Авылның хөрмәтле имамы бакчадагы чарага килеп исем кушу йоласының ислам дине кагыйдәләре белән таныштырды, вәгазьләр укыды.

Балалар үзләре дә тамаша өлешләрендә җырладылар, биеделәр, әти-әниләрен яңа ачылган сәләтләре белән сөендерделәр.