Һәр кешегә 10 мең: Дәүләт Думасында яңа айлык түләүне хупладылар

Дәүләт Думасында һәр кешегә ун мең сум күләмендә яңа айлык түләүне хуплау турында чыгыш ясадылар.

Яңа түләү турында Дәүләт Думасының Икътисадый сәясәт, сәнәгать, инновацион үсеш һәм эшкуарлык комитеты җитәкчесе Сергей Жигарев чыгыш ясады. Эш урыннары кыскару сәбәпле, гражданнарга яңа ярдәм акчалары түләргә туры киләчәк, дип саный ул.

Парламентарий билгеләп үткәнчә, эшсезлек үсеше кризис һәм стагнациягә генә бәйле түгел. Тагын бер сәбәп-  технологияләр үсеше . 

Дәүләт Думасының Мәгариф һәм фән комитеты әгъзасы Гаджимет Сәфәралиев мондый түләү,  Россиядә 2023 елга кадәр үк тормышка ашырылырга мөмкин, дип белдерде. 

Бу инициативаны шулай ук Федерация Советында да, аерым алганда, РФ икътисади сәясәт комитеты рәисе урынбасары Иван Абрамов хуплады.