Актанышта «Җиңү өчен тест үт!» проекты кысаларында мобиль лаборатория эшли

Бүген Актаныш район үзәк дәваханәсе биләмәсендә “Пройди тест для победы!”, “Пройди тест на ВИЧ!” дип язылган машина торды.

«Җиңү өчен тест үт!» дип аталган социаль проект кысаларында ВИЧ-инфекциясенә тест узу мобиль лабораториясе бүген безнең районга килеп җитте. Әлеге проект РФ Президенты грантлары фонды гранты акчасына тормышка ашырыла. Кешеләр туган көнен генә әйтеп кан бирде. Аларга 10 минут дәвамында нәтиҗәне хәбәр иттеләр. Акциядә Медицина хезмәткәрләре һәм Актаныш технология техникум студентлары катнашты.

Безгә төрле яшьтәге кешеләр мөрәҗәгать итә. Чөнки тестны 18 яшьтән башлап узу каралган, - диләр тест уздыручылар.