11 август 2021 яңалыклары
-
Республика җитәкчелеге "Актаныш- мәгърифәт һәм мәдәният мәйданы" темасына узачак конференциягә әзерлек белән танышты
"Актаныш- мәгърифәт һәм мәдәният мәйданы"- әлеге темага узачак республикакүләм мәгариф хезмәткәрләре конференциягә әзерлек белән танышу максатыннан бүген районга ТР Премьер-министры урынбасары Ләйлә Фазлыева, ТР Мәгариф һәм фән министры Илсур Һадиуллин һәм ТР Мәгариф һәм фән министрының беренче урынбасары Андрей Поминов килде. Эшлекле сәфәр кысаларында республика җитәкчеләре яңа төзелгән "Адымнар-Актаныш" полилингваль гимназия, Сәләтле балалар өчен гуманитар гимназия-интернат, технологик техникум эшчәнлеге белән танышты.
-
Бүген иң яхшы футбол командасы ачыкланачак: Актанышмы, әллә Такталачыкмы?
Бүген Актанышның үзәк стадионында 18.00 сәгатьтә авыл җирлекләре арасында футбол беренчелегенә суперфинал уеннары узачак. 3-4 урын өчен Түке- Чалманарат авыл җирлекләре, 1-2 урыннарга Актаныш - Такталачык авыл җирлекләре дәгъва итә.
