Күршеләрдә 17 сентябрьдә укучылар укымый

Башкортстанда киләсе җомга, 17 сентябрьдә, укучылар өчен ял көне булачак. Бу хакта төбәк башлыгы Радий Хәбиров сүзләренә сылтама белән «Башинформ» хәбәр итә.

17 сентябрь — Дәүләт Думасына, өлкә Думасына һәм округ советларына өч көнлек сайлауларның беренче көне.

Сайлау участокларының күбесе мәгариф учреждениеләрендә урнашкан, диде Радий Хәбиров.

Башкортстан мәгариф һәм фән министры Айбулат Хаҗин хәбәр иткәнчә, бу көнне республика укучылары өчен тәрбияви чаралар узачак.