Актаныш

Һөнәри уку йортының элекке директоры һәм баш хисапчы суд каршына бастылар- акча үзләштергәннәр

Илеш районында аграр-технология колледжының элекке директоры һәм баш хисапчы суд каршына бастылар.

Аларны ятим балалар һәм аз керемле студентлар өчен билгеләнгән түләүләрне үзләштерүдә гаеплиләр.

Тикшерү барышында ачыкланганча, 2016 елдан 2020 елга кадәр хезмәткәрләр ялган түләү документларын әзерләгән. Кәгазьгә ятим балаларны һәм аз тәэмин ителгән гаиләләрдән булган студентларны туклану, стипендия, кием-салым белән тәэмин итү өчен түләү кирәклеге турында мәгълүмат кертелгән. Гомумән алганда, хезмәткәрләрнең карталарына 23,8 миллион сумнан артык акча күчерелгән. Акчаны алар шәхси ихтыяҗларына тоткан.

Шулай ук учреждение директоры, янәсе, студентлар өчен ит сатып алуга 180 мең сум акча алган, гәрчә продукт училищеның үз ярдәмче хуҗалыгыннан кайтарылса да. Директор 297 мең сум акчаны үзләштерү өчен капиталь ремонт буенча сметаны да үзгәрткән.

Гаепләнүчеләр үз гаепләрен өлешчә генә таныган. Алар 3,6 миллион сумны кире кайтарган. Гаепләнүчеләрнең милкенә арест салынган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: