Сак булыгыз!

13 сентябрь көнне Түбән Кама шәһәрендә билгесез хатын-кыз, социаль хезмәткәр исеменнән, 1930 елгы әбинең, яңа акча купюраларына алыштырам дип, 2000 сум ялган акча калдырып чыгып китә.
Шул ук көнне билгесез хатын-кыз, үзен социаль хезмәткәр дип таныштырып, Түбән Кама шәһәрендә яшәүче 1933 елгы әбинең иске акчаларын яңага алыштырам дип, 400000 сум акчасын ялган акчага алыштырып чыгып китә.

Шулай ук социаль хезмәткәр исеменнән билгесез хатын-кыз 1933 елгы әбинең 37000 сум акчасын яңага алыштырам дип алып чыгып китә.
24 сентябрь көнне Әлмәт шәһәрендә билгесез зат үзен пенсия фонды хезмәткәре дип таныштырып, 27000 сум акчаны яңа акчага "алыштыра".
Республикада менә шундый хәлләр.
Алдана күрмәгез, хөрмәтле өлкәннәр! Зинһар өчен, явыз ниятлеләр ятьмәсенә эләкмәгез.
Әлеге фотосурәтләргә игътибар итсәгез иде.