Боздан сын ясаучылар арасында районда конкурс игълан ителде.

Яңа ел бәйрәменә районны сәнгатьчә бизәү ниятеннән башкарма комитет тарафыннан уздырылучы әлеге бәйгедә теләге булган һәркем катнаша ала. 5 кешедән артык булмаган командаларга да катнашу рөхсәт ителә. Боз пьедесталының биеклеге 1 метр, ә боз фигурасының биеклеге 2 метрдан ким булмаска тиеш. Конкурска нәтиҗә 29 декабрьдә ясала.
Җиңүчеләргә дипломнар һәм акчалата бүләкләр тапшырылачак:
беренче премия - 9000 сум;
икенче премия - 6000 сум;
өченче премия - 5000 сум.
Призлы урын алмаучыларны да 1000 сумнан алып 5000 сумга кадәр акчалата бүләкләр һәм дипломнар белән бүләкләү каралган.