Актаныш

Кыш бабайга хат язам. Данил Галиуллин

"Кыш бабайга хат язам!" бәйгесенә килгән иҗат эшләре белән танышуны дәвам итәбез. Актаныш-РТ.Ру сайтының "Бәйгеләр, конкурслар" бүлегенә кереп күңелегезгә ошаган шигырьгә лайк куярга онытмагыз. Бәлки әлеге теләктәшлегегез белән сез яшь шагыйрьне поэзия киңлегенә озатучыларның берсе булырсыз.

Кыш бабайга хат язам!

Кыш бабабыз, сиңа хат язамын,

Төрле хәбәр йөри авылда:

Килә, килми дигән сүзләр дә бар,

Мин ышанам: ковид кына түгел,

Туктаталмас сине давыл да.

 

Син Кыш бабай, безгә килгән чакта,

Күп маскалар тутыр капчыкка.

Сәгать саен киеп чисталарын,

Иркенләп бер бәйрәм итик әле,

Зал-бүлмәләр тулсын шатлыкка.

 

Син Кыш бабай, миңа юмарт булып,

Бер компьютер бүләк ит әле!

Бәйге- ярышларда катнашырга

Үз-үземне ныклап сынар өчен,

Тырышлык та кирәк бит әле.

Тулырак: http://aktanysh-rt.ru/contest_variant/23-kysh-babayga-khat-yazam-61b78f3b8176c

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: