25 март — Мәдәният хезмәткәрләре көне

25 март - Россиядә мәдәният хезмәткәрләре көне буларак билгеләп үтелә. Шул уңайдан Татарстан мәдәният министры Айрат Сибагатуллин мәдәният хезмәткәрләрен һөнәри бәйрәмнәре белән котлады.

"Республикабыз мәдәнияте югары темплар белән үсеш ала. Уртак уңышыбыз - ул сезнең җаваплы һәм үзегезне аямыйча хезмәт кую нәтиҗәсе! Мәдәният өлкәсе хезмәткәрләре - үзенчәлекле "ранг" белгечләре ул. Аларның эшчәнлегеннән рухи-әхлак, тормыш якыннарга һәм Ватанга мәхәббәт кебек тормыш кыйммәтләре формалаша. Мәдәнияттән башка халык традицияләрен саклау, яшь буында патриотлык һәм толерантлык хисләре тәрбияләп булмый. Мәдәният, интеллектуаль милек, иҗади казаныш - җәмгыять үсешенең мөһим ресурсы. Сезгә сәламәтлек, иминлек, һәр башлаган эштә уңышлар телим!" - диелгән министрның котлавында.