АФӘРИН: Районыбызның яшь җырчылары “Сандугач сайрар илем” республика фестиваленнән зур җиңүләр белән кайта
Республиканың Әлмәт шәһәре бу көннәрдә яшҗ җырчыларыбызны бергә җыйды. “Татнефть” АҖ оештырган “Сандугач сайрар илем” конкурсында Актанышның талантлары да катнашып зур җиңүләр яулады.
“Вокал. Халык җырларын соло башкару” номинациясендә Балалар сәнгать мәктәбе укытучысы Сирина Исламованың шәкертләре Гөлия Заһертдинова 1 дәрәҗә, Зәлия Гыйлаҗева 2 дәрәҗә лауреат исеменә лаек булдылар.
Остаз Лилия Мостафинаның укучысы Илмир Заһертдиновка 2 дәрәҗә лауреат исеме бирелде, Ленар Фәрдиева да хөрмәтләнде.
Гүзәлия Чекалина әзерләгән җырчылар- Гөлинә Закирова 3 дәрәҗә лауреат булып танылды, Арина Вәлиевага диплом тапшырылды.
Яшь талантларыбызны һәм аларның укытучыларын чын күңелдән уңышлары белән котлыйбыз, киләчәктә дә зурдан-зур уңышлар телибез!
Следите за самым важным и интересным в Telegram-каналеТатмедиа
Нет комментариев