“Ак инеш” һәм Сөмбел Харисова «Без бергә» Республика балалар халык иҗаты фестивале Гран-при хуҗалары

Актаныш районыннан әлеге фестивальдә ике җиңүчебез бар.

“Ак инеш” бию ансамбле 13-18 яшьлекләр арасында “Хореография. Ансамбль» номинациясендә Гран-при алуга иреште. Җитәкчеләре ТР атказанган мәдәният хезмәткәре Лилия Фәтхуллина.

Актанышның беренче санлы мәктәбе укучысы Сөмбел Харисова шулай ук үз яшьтәшләре арасында “Вокал” номинациясендә җиңү яулады. Остазы- БР атказанган сәнгать эшлеклесе Джон Мусин.

 Афәрин, яшьләрне ихластан җиңүләр белән котлыйбыз! Иҗат чишмәгез саекмасын!