Актаныш балалар бакчалары әзерләгән мультфильм авторлары «Милли мультфест» фестивалендә хөрмәтләнде

          Конкурсның Оештыру комитетына барысы 465 гариза кергән. Анда катнашу өчен татар телендә анимацион һәм кыска метражлы фильмнар кабул ителде. Барысы йомгаклау тантанасына 33 конкурсант чакырылды. Алар арасында безнең актанышлылар да бар. 4 санлы "Әтәчкәй" балалар бакчасыннан 2 мультфильм (җитәкчеләре Э.Р.Габдрахманова, Г.Т.Ардуанова, Э.Р.Мансурова, А.Д.Мәрданова һәм И.Р.Бәдертдинова) һәм 6 санлы "Каенкай" балалар бакчасыннан 1 мультфильм (җитәкчесе Ч.Д.Нәбиева) уңышлы дип табылды.