Актаныш районы мәдәният хезмәткәрләре һөнәри бәйрәмнәрен билгеләп уздылар
Сәхнәгә мәдәният тармагында намуслы һәм тырыш хезмәт куючылар күтәрелде.
Бүген Әлфия Авзалова исемендәге мәдәният йортында мәдәният хезмәткәрләре үзләренең һөнәри бәйрәмнәрен билгеләп үтте. Аларны район башлыгы Энгель Фәттахов тәбрик итеп, куйган хезмәтләре өчен рәхмәтен белдерде.
Районда нинди генә чара уздырылмасын, аны мәдәният хезмәткәрләре, сәнгать мәктәбе укучыларының чыгышларыннан башка күз алдына да китерү авыр.
Үзләренең бәйрәмнәре хөрмәтенә дә алар башкаларга бәйрәм ясады. Фойеда каршы алган күргәзмәләрдә район мәдәниятенең бар тормышын күзалларга була иде.
Сәхнәгә исә мәдәният тармагында намуслы һәм тырыш хезмәт куючылар күтәрелде. Җыр-биюләр, шигырьләр киләчәккә хезмәтләренә дәрт өстәде.
Быел районның социаль һәм агарту бүлеге оешуга 70 ел тула. Шул уңайдан бүлек район мәдәниятен үстерүгә зур өлеш кертүчеләргә “Мәдәни тотрыклылык һәм алгарыш” билгесе булдырган. Мәдәният хезмәткәрләре бәйрәмендә бүлек җитәкчесе Альберт Мансуров аны район башлыгы Энгель Фәттаховка, Иске Байсар авыл җирлеге башлыгы Рәмис Кадыйровка, Иске Сәфәр мәдәният йорты директоры Илдус Һадиевка тапшырды.
Следите за самым важным и интересным в Telegram-каналеТатмедиа
Нет комментариев