Актаныш

Быел Гамил Афзал премиясе Данил Салиховка тапшырылды (+ФОТОЛАР)

Гамил Афзал әсәрләре үзенчәлекле - сүз-сурәт дөньясы бай, үткен акыл-фикерле, аксакалларча зирәк һәм моңсу, иронияле, хәтта усал да... Ә кайчакта Хуҗа Насретдиндай мәзәкчел, шук, тапкыр, халыкчан. Гамил ага үзе юк инде, ләкин якты шигырьләре меңнәрнең күңелен нурландыра, күзләрен ача. Шагыйребезнең тууына бые 96 ел тулды. Ә 2011 елда, 21 майда,...

Гамил Афзал әсәрләре үзенчәлекле - сүз-сурәт дөньясы бай, үткен акыл-фикерле, аксакалларча зирәк һәм моңсу, иронияле, хәтта усал да... Ә кайчакта Хуҗа Насретдиндай мәзәкчел, шук, тапкыр, халыкчан.
Гамил ага үзе юк инде, ләкин якты шигырьләре меңнәрнең күңелен нурландыра, күзләрен ача.
Шагыйребезнең тууына бые 96 ел тулды.
Ә 2011 елда, 21 майда, аның 90 еллыгы уңаеннан, Такталачык авылында иҗат фестивале булып узган иде.
Гамил Афзал премиясе ияләре:
2011 ел - "Минһаж маҗаралары" китабы өчен Туфан Миңнуллин;
2012 ел - "Көлмә кешедән" китабы өчен Фәнзаман Баттал;
2013 ел - "Дөя муены" китабы өчен Марат Әмирханов;
2014 ел - "Шобага: сатира һәм юмор" китабы өчен Әмиржан Моталлапов;
2015 ел - "Ком сәгате" китабы өчен Камил Кәримов.
2016 ел - "Юморкалар" китабы өчен Ләбиб Лерон
Премияне гамәлгә куючылар - Актаныш хакимияте һәм Татарстан Язучылар берлеге.
27 ноябрьдә район мәдәният йортында Гамил Афзал премиясенең җиденче иясе аталды. Бүләккә якташыбыз - татар драматургы, Татарстанның атказанган сәнгать эшлеклесе, Татарстан язучылар һәм Русия театр әһелләре берлеге әгъзасы Данил Салихов ия булды. Премияне аңа район башлыгы Фаил Камаев тапшырды.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: