Драма коллективлары смотрын Чишмәбаш театры «Табылдык» спектакле белән башлап җибәрде

Чишмәбаш театры тамашачыларга һәм Актаныштан килгән район мәдәният идарәсе һәм мәдәният сараеннан килгән жюри әгъзаларына Р. Хөсәенованың "Табылдык" исемле моңсу комедиясен тәкъдим итте. 

Иске Байсар авыл мәдәният йорты директоры Фәнзилә Хәйриева өлкәннәрнең берләшеп авылдашларына күңелле кичке ял бүләк иткәннәре өчен рәхмәтен белдерде:

- Спектакльне бер тында карадык. Өлкәннәребез үз рольләрен зур осталык белән башкардылар. Киләчәктә дә шулай матур әсәрләрне сәхнәдә куярга язсын. Бердәм булыйк, бергә булыйк!