РАЙОНКҮЛӘМ КВН ДӘВАМ ИТӘ: Иске Богадының "Каенсаз" командасы финалга узды

     22 октябрь көнне Иске Богады авылы мәдәният йортында Иске Богады, Аккүз, Чуракай авыллары КВНчылары жюри алдында имтихан тотты. 
        Быелгы КВН бәйгесенең темасы- "Дөнья куласа, бер алды белән, бер арты белән баса" . Әлеге кызыклы гыйбарәне һәр команда үзенчә ача. Богадының “Каенсаз”ы жюриның күңеленә аеруча хуш килде, команда балларны иң күп җыеп беренче урынга лаек булды. Хәзер инде Богады кызлары финал уеннарында сынатмас өчен ныклы әзерлек башлаячак.