Актанышның икенче санлы мәктәбендә Туган тел көненә багышланган чара

Буген Актанышның икенче санлы гомуми белем бирү мәктәбендә Туган тел көненә багышланган зур бәйрәм чарасы узды. 6А сыйныф укучылары әзерләгән чара җырлар, биюләр, нәфис сүзләр белән үрелеп барды.

Җир шарында яшәүче халык 6 меңнән артык телдә сөйләшә. Һәр халыкның – үз тарихы, үз кыйбласы, үз гореф-гадәтләре, үз теле. Мәктәптә төрле милләт балалары укый. Бүген алар да һәркайсы үз туган телләрендә матур чыгышлар ясадылар. Һәркем өчен үз туган теле кадерле, чөнки аларның һәркайсы кеше язмышы өчен җавап бирә, һәркайсы табигый мирас булып тора һәм без аны, һичшиксез, сакларга тиешбез.