Актанышта театр көннәре: Балалар бакчалары сабыйларыннан алып унберенче сыйныфларга кадәр спектакль куя
23, 24, 25 апрель көннәрендә районыбызда «Сәйяр» балалар һәм яшүсмерләр театр фестивале уза.
Театр фестивален 23 апрель көнне башлангыч сыйныф укучыларын берләштергән театр коллективлары башлап җибәрде.
Жюри каршында 22 коллектив чыгыш ясады.
24 апрельдә исә фестиваль уза торган технология техникумы сәхнәсендә 22 балалар бакчасы артистлары спектакль күрсәтте.
Бүген, 25 апрельдә фестивальне район мәктәпләренең урта һәм югары сыйныф укучылары дәвам итә. Оештыручылар белдерүенчә, районыбызның һәр мәктәбендә театр түгәрәкләре эшләп килә.
Аларда 5-11 сыйныф укучылары артистлык сәләтен үстерә. Бүген алар төрледән-төрле кызыклы әсәрләрне сәхнәләштереп, театр сәнгатенә мәхәббәтләрен белдерде.
"Сәйяр" балалар һәм яшүсмерләр театр фестивален үткәрүнең дә максаты- нәкъ тә яшь буынны театр сәнгате белән таныштыру, татар әдәбияты һәм мәдәниятенә мәхәббәт тәрбияләү бит.
Балалар сәхнә әсәрләрен сәхнәләштергәндә чиста төзек әдәби телдә сөйләшергә өйрәнәләр, сөйләм телләрен камилләштерәләр, рольләренең сүзләрен ятлаганда китап укуга да кызыксыну уяна.
Следите за самым важным и интересным в Telegram-каналеТатмедиа
Нет комментариев