«Авыл укытучысы - 2022» бәйгесе җиңүчеләрен котладылар: Алар арасында райондашларыбыз да бар

   Конкурс Татарстан Республикасы Мәгариф һәм фән министрлыгы тарафыннан «Мәгариф» журналы редакциясе һәм Бөтендөнья татар конгрессы Республика иҗтимагый фонды белән берлектә, иҗади үзешчәнлекне тәрбияләү, педагогик хезмәткәрләрнең алдынгы инновацияләренә омтылыш, авыл укытучыларының абруен күтәрү максатында үткәрелә, диелә министрлык хәбәрендә.

«Нәтиҗәле иҗади эшчәнлек өчен» - Сәләтле балалар өчен Актаныш гуманитар гимназия-интернатының татар теле һәм әдәбияты укытучысы Шәрипова Чулпан Рамзил кызы һәм тәрбиячеләр арасында
«Туган телгә мәхәббәт» номинациясендә - 3 нче номерлы Актаныш балалар бакчасы тәрбиячесе Шакирова Әлфирә Индус кызы олы хөрмәткә лаек булдылар.

Педагогларны ихластан котлыйбыз!