Дәүләт Думасында яңа уку елын 1 октябрьгә күчерергә тәкъдим иттеләр
Бу социаль элемтәләр саны кисәк артуына һәм коронавирус инфекциясенең яңадан таралуына юл куймаячак, дип саный депутат Василий Власов.
(Казан, 25 август, «Татар-информ»). Дәүләт Думасында яңа уку елын 1 октябрьгә күчерергә тәкъдим иттеләр. Депутат Василий Власов мәгариф министры Сергей Кравцовка шул хактагы тәкъдимне җиткерде. Бу хакта РИА Новости агентлыгы хәбәр итә.
Парламентарий үз инициативасын илдә көн саен Covid-19 коронавирус инфекциясенең 5 меңгә якын яңа очрагы ачыклануы белән дәилләде. Аның фикеренчә, бу социаль элемтәләр саны кисәк артуына һәм авыруның яңадан таралуына юл куймаячак.
«Шулай ук балалар һәм ата-аналарның яңа уку елы алдыннан тиешле медицина тестлары тапшыру өчен вакытлары күбрәк булачак, бу да медицина инфраструктурасын өстәмә йөкләнештән азат итәчәк», - дип искәртте депутат.
tatar-inform
Следите за самым важным и интересным в Telegram-каналеТатмедиа
Нет комментариев