Актаныш

География – биология атналыгында

2017 ел - Россиядә - Экология, ә Татарстанда - экология һәм иҗтимагый киңлекләр елы дип игълан ителде. Әйе, табигатебез бүген, чын-чынлап, яклауга мохтаҗ. Мәктәбебездә әлеге юнәлешкә зур игътибар бирелә. Агач утырту, су буйларын чистарту, кыр ышыклау полосаларын чистарту - безнең даими башкарыла торган эшләребез. Экологик конкурсларда, конференцияләрдә укучыларыбыз һәрдаим катнашып...

2017 ел - Россиядә - Экология, ә Татарстанда - экология һәм иҗтимагый киңлекләр елы дип игълан ителде. Әйе, табигатебез бүген, чын-чынлап, яклауга мохтаҗ.
Мәктәбебездә әлеге юнәлешкә зур игътибар бирелә. Агач утырту, су буйларын чистарту, кыр ышыклау полосаларын чистарту - безнең даими башкарыла торган эшләребез. Экологик конкурсларда, конференцияләрдә укучыларыбыз һәрдаим катнашып киләләр һәм зур уңышларга да ирешәләр. Март аенда мәктәптә География-биология атналыгы уздырылды. Әлеге атналык кысаларында бик күп чаралар уздырылды. Укытучыларыбыз Айзат Әмиров, Рәзилә Сибатова берсеннән-берсе файдалы, кызыклы ярышлар, конкурслар уздырдылар. Барыбыз да бик теләп катнаштык. Атналыкның иң кызыклы һәм файдалы чарасы "Сәламәт тәндә - сәламәт акыл" темасына багышланган чара булгандыр, минемчә. Бары тик сәламәт кеше генә дөнья матурлыгын күрә, җәмгыятькә файда китерә ала бит. Әлеге чара спорт залында уздырылды һәм монда барлык ата-аналар да чакырылды. Укучыларыбыз флешмоблар күрсәттеләр, аннары 4 командага бүленеп волейбол уйнадылар. Укытучылар командасы- беренче, әтиләр командасы - икенче, кызлар командасы - өченче, әниләр командасы - дүртенче урыннарны яуладылар. Укытучыбыз Расих Шәйхуллин барлык катнашкан укучыларга, ата-аналарга үзенең бүләкләрен өләште. Уеннар төгәлләнгәч, әти-әниләребез белән төрле биюләр биедек, фотоларга төштек. Атна дәвамында җиңүләргә ирешкән укучыларыбыз гомуми линейкада мактау кәгазьләре, бүләкләр алдылар.
Без киләчәктә табигатьнең чын сакчылары булырбыз!

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: