Гимназия укучылары «Бала-хокук даирәсендә» конкурсында җиңделәр
Ел саен уздырыла торган «Бала хокук даирәсендә-2022» Республикакүләм мәгълүмати-социаль видеороликлар бәйгесендә Сәләтле балалар өчен гуманитар-гимназия интернат укучылары Сабирова Айзирәк, Сабиров Самир җиңү яуладылар.
Россия Федерациясе Дәүләт Советы Депутаты Татьяна Петровна Ларионова аларга дипломнарны тапшырып, алга таба да зур уңышлар теләде.
"Шундый матур бәйрәм карап, зур жиңү яулап, күтәренке кәеф белән, Актанышыбызга юл тоттык. Безгә шушы бүләкләү тантанасына барып кайту мөмкинлеген тудырган өчен мәгариф идарәсе житәкчесе Раниза Митьян кызына, үзебезнең гимназиябез директоры Венера Хаматнасыйх кызына зур рәхмәтләребезне җиткерәбез", - дип, шатлыгы белән уртаклашты Эльвира Сабирова.
Следите за самым важным и интересным в Telegram-каналеТатмедиа
Нет комментариев