Район мәктәпләрендәге иң оста педагог-психологлар, педагог-оештыручылар билгеләнде (ИСЕМЛЕК + ФОТОЛАР)

автор, 30 гыйнвар 2018 - 07:24

1462

29 гыйнвар көнне Киров урта мәктәбендә "Ел педагог-психологы" һәм "Ел педагог-оештыручысы" дип исемләнгән бәйгенең район этабы үтте. Укытучыларның һөнәри осталыкларын бәяли торган бу бәйгедә барлыгы 5 педагог-психолог һәм 8 педагог-оештыручы катнашты. Бәйге нәтиҗәләре буенча психологлар арасында беренче урынны "Тылсым" мәктәп-бакчадан Гөлназ Шакирҗанова яулады. Икенче урында - Такталачык коррекцион мәктәбеннән Наилә...

Район мәктәпләрендәге иң оста педагог-психологлар, педагог-оештыручылар билгеләнде (ИСЕМЛЕК + ФОТОЛАР)

29 гыйнвар көнне Киров урта мәктәбендә "Ел педагог-психологы" һәм "Ел педагог-оештыручысы" дип исемләнгән бәйгенең район этабы үтте.

Укытучыларның һөнәри осталыкларын бәяли торган бу бәйгедә барлыгы 5 педагог-психолог һәм 8 педагог-оештыручы катнашты.

Бәйге нәтиҗәләре буенча психологлар арасында беренче урынны "Тылсым" мәктәп-бакчадан Гөлназ Шакирҗанова яулады. Икенче урында - Такталачык коррекцион мәктәбеннән Наилә Хаҗиева, өченче урында - Актанышның беренче санлы мәктәбеннән Зөһрә Хабибуллина.

Педагог-оештыручылар арасында Актанышның беренче санлы мәктәбе мөгаллимәсе Әлфирә Әмирҗановага тиңнәр табылмады. Икенче урында - Байсар мәктәбеннән Лилия Сәфиуллина, өченче урында - Актанышның икенче санлы мәктәбеннән Энҗе Нәбиева.

"Балалар хәрәкәтендә иҗадилык" номинациясендә җиңүче булып сәләтле балалар өчен гуманитар гимназия-интернаты педагог-оештыручысы Алсу Хафизова танылды.