“Сочи укытучысы– 2014“

"Сочи укытучысы- 2014" Бөтенрәсәй конкурсының II туры тәмамланды. Анда Россиянең 78 регионыннан барлыгы 3 меңнән артык педагог һәм Германиядән, Болгариядән, Украинадан, Канададан да мөгаллимнәр катнашты. Россия Мәгариф министрлыгы һәм "Сочи укытучысы - 2014" оештыру комитеты, үткән елгы җиңүчеләр составындагы эксперт комиссиясе 65 иң яхшы эш арасыннан 12 эшне җиңүче дип тапты һәм 53 лауреатны билгеләде. Актанышның 2нче урта мәктәбенең математика укытучысы Рузил Флорит улы Бакиров та әлеге лауреатлар составында. Р.Бакиров һәм Казанның 13нче гимназия укытучысы Е.Ингачева 22-25 декабрь көннәрендә Сочида үткән "Олимпия туры- 2011" бәйгесендә катнашып кайттылар.