Актаныш

2020 елда Казанда ике юлда тизлекне сәгатенә 80 километрга кадәр арттырырга уйлыйлар

Горький шоссесы һәм Мамадыш тракты участокларында тизлек режимын арттыру планлаштырыла.

2020 елда Казанда Мамадыш трактында һәм Горький шоссесында тизлекне сәгатенә 80 километрга кадәр арттырырга планлаштыралар. Бу хакта «Татар-информ» мәгълүмат агентлыгында узган матбугат конференциясендә ТР Дәүләт автоинспекторы Ленар Габдрахманов хәбәр итте.

Рөхсәт ителгән тизлекне арттыру мәсьәләсе мартта каралачак.

«Мамадыш трактында тизйөрешле режимны арттыру мөмкинлеген Константиновка бистәсеннән М7 трассасына кадәр юл участогында карыйбыз. Мисал өчен, Горький шоссесында Нараттан «Олимпиец» спорт комплексына кадәр, — дип ачыклык кертте Габдрахманов.

Реклама

Рөхсәт ителгән тизлекне арттыру алдыннан ЮХИДИ хезмәткәрләре юлларның әлеге участокларын тикшерәчәк — анда һичшиксез бүлү киртәләре, җәяүлеләр кичүләре һәм юл чатлары аз булырга тиеш, дип өстәде ул.

«Ләкин бу сәгатенә 80 километр тизлек белән хәрәкәт итү рөхсәт ителсә, сәгатенә 100 километр тизлек белән йөрергә мөмкин дигән сүз түгел», — дип кисәтте Ленар Габдрахманов.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: