Агыйделдә боз юлы кайчан ачылачак?

10 декабрь көнне ике республиканы тоташтырган Агыйдел елгасындагы боз юлын махсус комиссия вәкилләре тикшерде. Бүгенге көндә бозның калынлыгы 30 см һәм ул җиңел машиналарга елганы аркылы чыгарга мөмкинлек бирә.

- Әлегә 3 тоннага кадәрге транспортларга юл ачык. Алга таба бозны калынайту эшләре дәвам итәчәк һәм якын киләчәктә авыр техникаларга да юл ачылачак, - дип белдерделәр боз юлы өчен җаваплы оешма вәкилләре. Шуны да искәртеп китү урынлы, быел Агыйдел аша кышкы юл башка еллар белән чагыштырганда 2 атнага алданрак ачылды. Юл йөрү бәясе һәм башка яңалыклар белән газетабызның алдагы санында таныша аласыз.