Акча җыюны тыю

Агымдагы елның 7 октябреннән мәктәпләрдә ата-аналардан акча һәм башка материаль байлык таләп итү катгый тыела. Әлеге эчтәлектәге хат шушы көннәрдә ТР Премьер-министры урынбасары - мәгариф һәм фән министры Энгель Фәттахов тарафыннан имзаланды. Аның нигезендә мәгариф бүлеге җитәкчеләренә белем бирү учрежденияләрендә төрле сәбәпләр белән, шул исәптән эш дәфтәрләренә дип һәм башка кирәк-яракка акча җыюны тыю һәм шулай ук ата-аналар комитеты, төрле ярдәм фондлары тарафыннан ата-аналардан финанс ярдәм таләп итүгә юл куймауны тәэмин итү йөкләнә.