Актаныш

Актаныш муниципаль районы Башкарма комитеты җитәкчесе итеп депутатлар бертавыштан Ленар Зариповны сайлады

Бүген хакимияттә Актаныш муниципаль районы Советының утырышы узды.

Утырышта Татарстан Республикасы Президенты Администрациясе җитәкчесенең 
беренче урынбасары Гарипов Илнур Мәхмүт улы да катнашты.
Көн тәртибендә ике мәсьәлә каралды: Вәкаләтләреннән азат ителмәгән нигездә Татарстан Республикасы Актаныш муниципаль районы Башлыгы урынбасарын сайлау һәм Актаныш муниципаль районы Башкарма комитеты җитәкчесен билгеләү. 
Беренче мәсьәлә буенча, Актаныш муниципаль районы Башлыгы урынбасары итеп, "Ташкын" хуҗалыгы рәисе, иң өлкән һәм абруйлы депутатларның берсе Салихҗанов Рәүхәт Салихҗан улы сайланды. 
Актаныш муниципаль районы Башкарма комитеты җитәкчесе итеп депутатлар бертавыштан Зарипов Ленар Рафак улын сайлады.

 

Актаныш районы мәгълүмат үзәге.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: