АКТАНЫШТА ҺӘЛАКӘТ: Машина юл кырыена төшеп, агачка бәрелгән,нәтиҗәдә 3 кеше зыян күргән

(Казан, 19 август. “Татар-информ”). Актаныш районында машина юл кырыена төшеп китеп, агачка бәрелгән. Бу хакта "Татар-информ"га Россия Гадәттән тыш хәлләр министрлыгының Татарстан буенча идарәсе матбугат хезмәтеннән хәбәр иттеләр.

Актаныш һәм Әтәс авыллары арасында юл-транспорт һәлакәте турындагы хәбәр бердәм 112 ашыгыч ярдәм хезмәтенә кичә кич килгән.

34 яшьлек ир-ат идарә иткән “Митсубиси” машинасы юл кырыена төшеп киткән һәм агачларга бәрелеп туктатаган.

Һәлакәттә машина йөртүче һәм аның ике пассажиры имгәнгән. Алар барысы да хастаханәгә барудан баш тарткан.

"Әнәк” янгын сүндерүчеләре янып китмәсен өчен машиналарның аккумуляторларын сүндергән.

чыганак: https://tatar-inform.tatar/news/2018/08/19/169981/