Актаныш

Армиядән кайткан егетләргә ярдәм бармы?

Андый ярдәм, чыннан да, бар микән? Эшкә урнашкан очракта, ул түләү сакланамы?

Армиядән кайтып, эшкә урнашмаган егетләргә өч ай дәвамында социаль яклау бүлегеннән ун мең сум акча түләнә икән, дип ишеттек. Андый ярдәм, чыннан да, бар микән? Эшкә урнашкан очракта, ул түләү сакланамы?

Илһам Абрамов. Арча

Татарстаның Хезмәт, халыкны эш белән тәэмин итү һәм социаль яклау министрлыгының матбугат хезмәте:   

– Мондый ярдәм каралмаган. Эшкә урнаштыру юнәлеше буенча андый ярдәм социаль контракт кысасында гына күрсәтелергә мөмкин. Социаль контракт ул – кешенең авыр тормыш хәлен җиңеләйтү өчен, гражданин белән социаль яклау органы арасындагы төзелә торган килешү. Анда ике якның бер-берсе алдындагы йөкләмәләре билгеләнә. Социаль яклау бүлеге ярдәм күрсәтә, ә гражданин социаль контрактта билгеләнгән шартларны үти.

Чыганак: "Ватаным Татарстан"

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: