АРТАБЫЗ, ҖӘМӘГАТЬ, АРТАБЫЗ!: “Нур” хуҗалыгының КамАЗ йөртүчесе кызу урак өстендә беренче тапкыр әти булды (+ ФОТОЛАР)

Күркәм традиция буенча, нәни райондашыбызны ЗАГС бүлеге җитәкчесе Гөлфинә Баян кызы Мөхәмәдиева бала тудыру йортыннан ук каршы алып, яшь гаиләгә Татарстан Президентының шәхси котлау хатын һәм туу турындагы таныклыкны тапшырды. 

Чишмә авылы егете Илнар белән Теләкәй кызы Әлфия узган ел гаиләләренә нигез салганнар. Шәйгәрдановлар бүген Уразай авылында бәхетле гомер кичерәләр. “Нур” хуҗалыгында машина йөртүче  булып хезмәт куйган яшь әти кызу урак өстендә нәни кызчыгы Динараны каршы алырга әниләре, әби-бабайлары белән килгән иде. 

Төкле аягың белән, нәни Динара! Әти-әниеңнең куанычы булып үс!  

САН: Барысы район буенча бүгенге көнгә 123 бала тууы теркәлгән.